Дзеці ведаюць глебу перш за ўсё як цеста для земляной кашкі і кулічыкаў. Наша задача паказаць ім, што глеба – гэта каштоўны дар Бога, дом для многіх раслінаў і жывёл. Без глебы не было б ні ўраджаю, ні раслін. Там, дзе няма глебы – у пустынях, на паверхні скал, на ледніках – нічога не расце і чалавеку вельмі цяжка выжыць.

Вецер пазбаўляе глебу верхняга ўрадлівага слою, вада можа зносіць глебу ў акіян, дзе яна ўжо не прыносіць ніякай карысці, і разам з тым, па Божай волі, разбурэнне горных парод дапамагае ўзнаўленню глебы.

Зямля, створаная Богам, была пакрыта ўрадлівым слоем, бо інакш там не маглі б расці расліны, пра якія нам распавядае ў кнізе Быцця Біблія. Асноўная маса першастворанай глебы была змыта з аблічча Зямлі падчас Патопу. Але пасля глеба пачала ўтварацца зноў: горныя пароды пастаянна разбураюцца пад уздзеяннем ветра, сонца і ападкаў, расліны і жывёлы пастаянна паміраюць і іх рэшткі трапляюць у зямлю. Таксама вывяржэнні вулканаў, якія суправаджаюцца выкідам вялікай колькасці каштоўнага для раслінаў попелу. Леднікі, якія пакідаюць за сабой даволі вялікія абшары ўрадлівай глебы.