Прэзентацыя распавядзе пра горы, узгоркі, раўніны, яры.
Як утвараліся горы?
Чаму горы разбураюцца?
Горы прывабліваюць сваёй веліччу не толькі дарослых, але і дзяцей. У Беларусі, на жаль, няма такіх гор, якія б узвышаліся над зямлёю на кіламетры. Але шмат у чым, адсутнасць гор – гэта дабраславенне.
Расповед пра горы і раўніны пачніце з таго, што і тое, і тое – дабраславенне ад Госпада. Людзі заўсёды імкнуліся жыць на раўнінах, дзе зручна апрацоўваць зямлю, дзе няма рызыкі землятрусаў або вывяржэння вулканаў. Горы, у сваю чаргу, даюць чалавеку шмат карысных выкапняў, якія ён выкарыстоўвае ў сваёй дзейнасці.
Паглядзіце на рэльеф Беларусі на мапе. У асноўным наша краіна ляжыць на раўніннай мясцовасці, але ёсць таксама ўзвышшы і нізіны. З’явіліся яны тут, хутчэй за ўсё, пасля Ледавіковага перыяду. Вялікі ледавік, які ляжаў на тэрыторыі нашай краіны, паступова раставаў і, такім чынам, фармаваліся азёры – на поўначы Беларусі іх вельмі шмат, таму гэта мясцовасць называецца Паазер’ем.
У Беларусі вельмі шмат ўзгор’яў. Яны маюць такую ж будову, што і горы. Знайдзіце ў сваёй мясцовасці ўзгорак і схадзіце туды з дзецьмі. Паразважайце разам, дзе будзе падэшва, дзе схіл, а на вяршыню лепш за ўсё проста залезці. Цудоўны настрой гарантаваны.
Каб патлумачыць, як змянілася аблічча Зямлі пасля Патопу – ідзіце ў пясочніцу, пабудуйце там горы і раўніны, а пасля з дапамогай вады з бутэлькі стварыце “вялікі патоп”.
Паразмаўляйце пра альпіністаў, пакажыце дзецям малюнкі гор – наша прэзентацыя дапаможа ў гэтым.
Можна таксама зрабіць сапраўдны вулкан. Для гэтага трэба ўзяць шклянку, аформіць яе з дапамогай кардону і пластыліну ў выглядзе вулкана. У шклянку насыпаць харчовай соды. У іншую шклянку наліць воцату, яго можна падфарбаваць у чырвоны ці аранжавы колер. Налівайце воцат у жарало вулкана і – назірайце за вывяржэннем. Не забудзьцеся заслаць стол цыратай.
валерия (Saturday, 16 October 2021 22:02)
супер