Акрамя планет і зорак у касмічнай прасторы ёсць розныя аб'екты : каметы, астэроіды, метэоры, галактыкі і туманнасці. Многія гэтыя аб'екты служаць чалавеку для вызначэння часу і адлегласцяў. Яны былі створаны разам з зоркамі на чацвёрты дзень.

Астэрóід – касмічны аб’ект, які круціцца вакол Сонца. Большасць астэроідаў размешчана паміж Марсам і Юпітэрам. Астэроіды па-іншаму называюць таксама малымі планетамі.






Гульня "Прайдзі праз астэроіды".
Астэроіды - небяспечныя аб'екты для касмічных апаратаў, трэба іх умела абыходзіць. Таму мы з дзецьмі раскідалі па падлозе талеркі-астэроіды і праклалі шлях між імі з дапамогай вяроўкі, па якой ім трэба было прайсці, не зацапіўшы астероід, каб не разбіць касмічны карабель.




Заданне "Знайдзі нумар астэроіда".
Астэроідам часта даюць назвы, звычайна яны складаюцца з камбінацыі літар і лічбаў. Мы таксама вырашылі назваць некаторыя астэроіды.
Задача была знайсці на магнітнай дошцы месца для адпаведнага астэроіда і праверыць па абрысах

Камéта – касмічны аб’ект, які складаецца з камянёў, пылу і лёду. Мае выгляд яркай плямы з паласой святла ў форме хваста. Каметы круцяцца вакол Сонца.

Заданне "Падбяры камеце хвост".
Трэба было скласці шэсць камет з двух разрэзаных частак.

Творчае заданне. "Камета з пластыліну і макарон". Цяжкасць была ў тым, што макароны ламаліся, калі націск быў моцны, таму стараліся вельмі акуратна рабіць хвасты.

Метэóры – гэта рэшткі камет або іншых нябесных цел, якія набліжаюцца да Зямлі і згараюць у яе атмасферы.
Калі рэшткі метэораў не паспяваюць згарэць у атмасферы, яны трапляюць на Зямлю. Такія "нябесныя" камяні – гэта метэары́ты. Ад метэарытаў на паверхні Зямлі застаюцца кратэры.

Гульня: "Метэарытны дождж"

Мы зрабілі невялікую навочнасць.
З нашай самаробнай каметы пры руху вывальваліся метэоры рознага памеру і колеру.
Трэба было сабраць і рассартараваць нашы метэоры.



Заданне "Куды ўпаў метэарыт".
Класічны лабірынт. Трэба прайсці па ўсіх дарожках, каб даведацца, на якую планету ўпаў метэарыт

Са старажытных часоў людзі назіралі за зоркамі на небе і заўважылі, што ў іх размяшчэнні ёсць вызначаны парадак, які захоўваецца стагоддзямі.
Фантазіруючы, людзі надзялялі групы зорак абрысамі людзей, прадметаў, жывёлаў. Так з'явіліся сузор'і – участкі зорнага неба, дзе зоркі аб'яднаныя ў разнастайныя постаці. Усяго на небе 88 сузор'яў.

Заданне "Змясці зоркі".
Спачатку мы паглядзелі на мапу сузор'яў і паспрабавалі прыдумаць назвы некаторым, а пасля ўкладалі на месцы зорак кнопкі.

Заданне "Падбяры сузор'е"
Трэба суаднесці выяву сузор'я з выявай адпаведнай жывёлы"

За межамі Сонечнай сістэмы знаходзяцца мільярды зорак. Шматлікія з іх сабраныя ў вялікія групы, якія называюцца галактыкамі.
Галактыка – гэта гіганцкая сістэма, звязаная ў адно сіламі прыцягнення зорак і зорных сукупнасцяў, міжзорнага пылу і газу. Усе аб’екты ў складзе галактыкі ўзаемадзейнічаюць між сабой.
Наша Сонечная сістэма з’яўляецца часткай галактыкі Млечны Шлях.
У цэнтры гэтай галактыкі знаходзіцца ядро, ад якога адыходзіць некалькі велізарных спіральных рукавоў, запоўненых зоркамі. Наша Сонца знаходзіцца даволі далёка ад цэнтра галактыкі і размяшчаецца бліжэй да ўскраіны.

Заданне; "Выражы спіраль".
Мы пазнаёміліся з новай геаметрычнай формай - спіраль. Вучыліся выразаць нажніцамі спіраль.

Была яшчэ задума намаляваць галактыку фарбамі, але мы не паспявалі. Пакінулі, як хатняе заданне.